உழைப்பு & துணை

ப்ரஸன்னா வெங்கடேஷ்,

 நவி மும்பை

உழைப்பு

பல தடவைகள் தைக்கப்பட்ட அப்பாவின்

பழைய செருப்பு ஒரு நாள்

அறுந்து போனது தன் உழைப்புக்கு

முற்றுப்புள்ளி வைத்து விட்டு;

அப்பா மட்டும் உழைத்துக் கொண்டே

இருக்கிறார் வெற்றுக் கால்களுடன்

துணை

எதிர் வீட்டில் கைக்குழந்தை புதிய வரவு;

இரவின் மௌனத்துக்குப் புதிதாய் துணை வருகிறது

குழந்தையின் அழுகையும் தாயின் தாலாட்டும்